نضائح للراغبين في الدراسة بكندا

1111

تحب تجي تقري في الكندا؟ ساهل ياسر

أول حاجة مش لازم بالضرورة تمشي لوكالة في تونس بش ياخذو منك فلوسك علي غير شي. تنجم تعمل كل شي وحدك .

حدد مجال اختصاصك يعني أش تحب تقرا

إختار جامعة مالرابط هذايا
 https://www.4icu.org/ca/canadian-universities.htm

عموما ثمة رابط بالفرنسية على كل موقع جامعة أضغط عليه إذا كنت تجهل الإنجليزية (ولو أنك بش تتعب ياسر في الكندا بلا إنجليزية سامحونا على صراحتنا)

إختار برنامج الدراسة اللي تحب عليها وركز على المصاريف اللي بش تتطلبها قرايتك الكل (برشة توانسة يجيو الهوني ويوحلو في الفلوس مبعد أشهر قليلة ) 

إبعث الأوراق الكل اللي طالبتهم الجامعة مع معاليم درس الملف.
الرابط هذا مثال :
https://www.ualberta.ca/admissions/international/admission/transcripts-documents

الجامعة بش تدرس الملف متاعك وترفض ولا توافق ولا تزيد تطلب أي أوراق ناقصة في ملفك .

بعض ما يتم قبولك لازمك تبلوكي مبلغ مالي معين  يطلبوه عليك ولازمك تستعمل الورقة اللي بش يبعثوهالك لتحصل على الفيزا.

وقت السفارة تبعثلك الفيزا ديما اقرى حسابك باش تقص رحلتك على بكري وتبدى تلوج على كراء في المدينة اللي تقرا فيها

هوني لازمك ترد بالك من حاجة. الكرا وحدك غالي ديما لوج على مبيت ولا بيت في منزل مشترك (عموما الجامعة تعطيك المعلومات اللازمة)     

إحسب حسابك اللي بش تصرف من 1200 ل 1600 دولار كندي شهريا وهذا على حسب تقديراتنا ومن خبرتنا أحنا توانسة الكندا
زيد ثبت في الرابط هذايا اللي يعطيك فكرة باهية
http://www.immigrationnews.ca/2017/08/28/cost-of-studying-in-canada-international-students/

ما لازمكش تنسى اللي عندك الحق بش تخدم عشرين ساعة في الجمعة
بحوالي تقديرات الرابط هذايا
https://www.infoplacecanada.ca/single-post/2017/07/05/Wages-of-Working-International-Students-In-Canada

نشالله نكونو جاوبناكم علي تساؤلاتكم  و ما تكونش أناني، برتاجي ولايك بش توانسة غيرك يسمعوا!  😀